MCS Property LLC

Монгол Улсын нийгэм, эдийн засгийн хөгжилд бодит хувь нэмэр оруулж буй аж ахуйн нэгжүүдийг шалгаруулдаг “Entrepreneur-2025” арга хэмжээнээс М-Си-Эс Проперти компани Барилга угсралтын салбарын “Энтрепренер”-ээр тодорч, “Хүрэл Меркури” шагналыг гардан авлаа.

2025 онд “М-Си-Эс Проперти” компани “Эрдэнэ Монгол” компанийн “Баянхөндий” төслийн инженерийн зураг төсөл, барилга угсралтын ажлыг цогцоор нь амжилттай гүйцэтгэж, жишиг бүтээн байгуулалт болгож хэрэгжүүллээ. Төслийн хүрээнд боловсруулах үйлдвэр, ажилчдын амрах байрны цогцолбор, инженерийн шугам сүлжээ, дэд бүтэц болон үйлдвэрийн бус барилгуудыг иж бүрэн барьж байгуулсан юм. Мөн Усны Компактын томоохон бүтээн байгуулалтын нэг болох Хаягдал ус дахин боловсруулах үйлдвэрийн төслийг хэрэгжүүлснээр эрчим хүчний үйлдвэрлэлд дахин боловсруулсан усны хэрэглээг нэвтрүүлж, ДЦС-3, ДЦС-4-т жил бүр 18 сая м³ хүртэлх гүний усыг хэмнэх бодит боломж бүрдүүллээ.

Энэхүү амжилтад хүрэхэд хамтран ажилласан нийт хамт олон, ханган нийлүүлэгч, туслан гүйцэтгэгч нартаа талархал илэрхийлхийн сацуу баяр хүргэе!.

Бид 2025 онд “Эрдэнэ Монгол” компанийн “Баянхөндий” төслийн инженерийн зураг төсөл, барилга угсралтын ажлыг нийт 26 сарын хугацаанд цогцоор хийж гүйцэтгэн, чанар стандартын өндөр үзүүлэлттэй захиалагчдаа хүлээлгэн өгсөн. Баянхөндий төсөл нь Улаанбаатараас 1000 км зайд, Баянхонгор аймгийн Шинэжинст сумын говийн бүсэд хэрэгжсэн GREENFIELD төрлийн стратегийн ач холбогдол бүхий бүтээн байгуулалт юм.

Төслийн хүрээнд боловсруулах үйлдвэр, ажилчдын амрах байрны цогцолбор, инженерийн шугам сүлжээ, дэд бүтэц байгууламжууд, үйлдвэрийн бус барилгуудыг цогцоор нь барьж байгуулсан бөгөөд энэ нь Монгол Улсын барилга угсралтын салбарын нэгэн жишиг бүтээн байгуулалт болсон юм.

Энэхүү төслийн гүйцэтгэлийг үнэлэн “Project Catalyst”-р шалгаруулсан Bloomberg TV Mongolia -д талархал илэрхийлье.

Төслийн бүтээн байгуулалтанд хамтран ажилласан нийт хамт олон, ханган нийлүүлэгч, туслан гүйцэтгэгч нартаа талархал илэрхийлхийн сацуу баяр хүргэе!

Монгол Улсын Засгийн газар, МҮХАҮТ хамтран жил бүр уламжлал болгон зохион байгуулдаг “ТОП 100 аж ахуйн нэгж”-ийн шагналыг 23 дахь жилдээ зохион байгууллаа. Энэхүү ёслол нь эдийн засгийн онцгой үзүүлэлт, ил тод байдал, үндэсний хөгжилд хувь нэмрээ оруулсан аж ахуйн нэгжүүдийг шагнаж урамшуулдаг.

М-Си-Эс Проперти ХХК нь Монгол Улсын ТОП 100 аж ахуйн нэгжийн тоонд дахин нэг байр эзэлснээрээ 9 дэх жилдээ шалгарсанд бид бахархаж байна.

Энэхүү чансааг гаргахдаа Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Санхүүгийн зохицуулах хороо, Улсын бүртгэлийн ерөнхий газар, Үндэсний статистикийн хороо зэрэг байгууллагуудын нэгдсэн мэдээлэлд үндэслэн гаргасан байна.

Энэхүү хүлээн зөвшөөрөлт нь бидний сайн сайхан байдал, хүчирхэг засаглал, улс орны эдийн засагт тогтвортой хувь нэмэр оруулах гэсэн тууштай үүрэг амлалтыг илэрхийлж байна. Энэхүү амжилтыг бий болгосон үнэнч хамт олон, итгэмжлэгдсэн түншүүд, үнэнч үйлчлүүлэгчиддээ талархал илэрхийлье.

Бид цаашдаа инноваци, өсөлт хөгжилт, бүх оролцогч талуудад урт хугацааны үнэ цэнийг бий болгоход анхаарлаа төвлөрүүлсээр байна.